A primeiros de outubro, o pesqueiro Alakrana foi asaltado por supostos piratas somalís fronte ás costas do seu país. De seguido, militares da fragata española Canarias detiveron a dous secuestradores cando trataban de se achegar á costa. O xuíz Garzón pediu á extradición e encarceramento dos piratas en España. A prensa non parou de dar berros contra semellantes criminais que non permiten traballar ós nosos pobres pescadores.

O que todos estes pacíficos-defensores-da-legalidade internacional silencian é que dende hai 18 anos (cando en 1991 os imperialistas esnaquizaron o goberno de Somalia) flotas de barcos procedentes de todo o mundo pescan furtivamente, saqueando as fontes alimentarias do mar deste país, e ademais descargan lixo tóxico nas súas aguas.

Só en 2005 máis de 800 barcos pesqueiros estranxeiros operaban ó mesmo tempo en Somalia aproveitando que o país non é quen de vixiar e controlar as súas propias zonas de pesca. Estímase que cada ano Somalia perde 450 millóns de dólares en peixe e marisco. “Así rouban unha fonte inestimable de proteínas a unha das nacións máis pobres do mundo e arruinan o sustento de vida lexítimo dos pescadores.”

Cando, en 2004, o sounami arrasou as costas, a forza das ondas arrastrou os contedores de lixo tóxico indo parar ás ribeiras de Puntland, ó norte de Somalia. Os envases foron reventados pola forza do mar e o seu contido saiu á luz: lixo radiactivo de uranio maiormente, pero tamén metais pesados como cadmio e mercurio. E lixo industrial, restos hospitalarios, sustancias químicas, etc. Dende que os contedores chegaron ás praias, centos de residentes enfermaron, con hemorraxias abdominais e de boca, infeccións na pel e outras doenzas.

En 1992, os países da UE máis outros 168 asinaron a Convención de Xénova, pola que se prohibe o comercio de lixo perigoso. Pasando por riba desta norma e contando coa complicidade da ONU, ignoran as súplicas somalís e doutros países para deter a devastación continu dos recursos mariños de Somalia e a descarga de lixo tóxico.

Nestas condicións, os pescadores somalís comezaron a usar lanchas rápidas para tratar de dificulta-la pesca e a descarga de tóxicos. Eles mesmo chámanse “Gardacostas Voluntarios de Somalia”. Un dos líderes mariñeiros dixo que debían “rematar coa pesca ilegal e as descargas nas nosas augas… Non somos bandidos do mar. Os bandidos son os que pescan ilegalmente e descargan lixo…”

A resposta da ONU a estas accións de lexítima defensa foi aprobar resolucións agresivas que dan dereito e animan ós transgresores a leva-la guerra contra os pescadores somalís. Así, unidos en santa alianza imperialista, máis de 40 buques de guerra da OTAN, africanos e asiáticos adícanse a perseguir e criminalizar ós pescadores, mentres os gobernos, organizacións internacionais e grandes medios de manipulación informativa tratan de presentárnolos coma piratas e criminais.

E como polo momento os militares non van ir nos mesmos barcos de pesca, os armadores españois de atuneiros contrataron a unha empresa de seguridade propiedade do líder nazi de “España 2000″, José Luís Roberto, tamén abogado e secretario xeral da Asociación Nacional de Empresarios de Locales de Alterne (ANELA). Estes son os herois da loita contra a piratería Somalí.

Mensaxe difundida polo  S.R.I.

PD: Se vos interesou o tema recoméndovos vivamente  este artigo

Adolfo Pérez Esquivel, Nobel da Paz 1980, acudiu onte a Massó para solidarizarse  cos veciños e amosa-lo seu rexeitamento á terrible política da destrución.

Sábado 20 ás 20:00 dende a alameda vella

En Galiza non se vende preguntábanse aí atrás, ¿que é o que lle ofreceu Caixanova ós líderes do BNG?. A pregunta aludía ás seguintes declaracións de Enrique Sotelo (PP) no Faro de Vigo o /06/01/2008 :

O ex alcalde refírese, supoñemos, á nova sobre Enrique Alfonso Bangueses Cobelas.  Ó parecer o cuñado de Quin, que traballaba en Caixanova, “apropiouse” indevidamente de 500.000 € de distintas contas pertencentes a galegos da emigración e o feito tardou un ano en destaparse. A cuestión é que “denuncian tamén tráfico de influenzas para dar carpetazo ó asunto a todas luces escandaloso. Dase a circunstancia de que Caixanova asinou varios convenios sociais coa vicepresidencia da Xunta, parcelas do goberno que controla o Bloque Nacionalista Galego“.

Esta información, non sei por que, levoume á seguinte asociación de ideas: Clara Millán é quintanista, grupo que agora lidera Aymerich baixo o nome de Máis BNG e que xunto coa UPG controla o partido. Tampouco é novidade que en política hai que ter sorte e apostar polo cabalo gañador, sobre todo se non tes máis oficio que vivir do partido, cuestión que sempre me pareceu moi perigosa para a integridade ideolóxica. Nese caso non se pode perde-lo posto, porque é o teu substento, non hai nada máis. Tamén chama a atención que precisamente a súa parella, Francisco Xabier Verea Arguibay, fora o delegado de Vicepresidencia en Pontevedra nese período. Non sei, serán casualidades.

En circunstancias normais importaríanos bastante pouco calquera cousa que puidese dicir Sotelo (excepto se nos fose  a explicar onde están os cartos dos convenios), pero ben é certo que o cambio de parecer de Clara Millán respecto a Massó é abraiante, aí o noso “amigo” leva razón. Máis quizáis a pregunta non sexa tanto que ofrece Caixanova? se non canto lle debe o BNG? Pois ben, como tódolos anos as caixas de aforros teñen a obriga de publicar os seus informes de goberno corporativo nos que se inclúen as operacións que manteñen cos grupos políticos e resulta que o BNG, un ano máis, é o grupo máis endebedado. Para que non haxa dúbida os grupos que manteñen operacións coa caixa son: BNG, PSOE, PP, Coalición Galega e Progresistas Vigueses.

No exercicio 2008 que é o último publicado, o Bloque Nacionalista Galego ten un saldo vivo (débeda) de 1.560.000€ que traducido son 259.562.160 millóns das antigas pesetas. Durante 2008 asinaron coa entidade un crédito de 400.000 € cuns xuros do 5.10% durante o primeiro trimestre e a prazo dun ano. Outro empréstito, tamén a un ano, de 3.000 € a un 7.45% de  xuro. E outro máis, este a 10 anos, de 298.000 € cuns xuros do 6%.

Supoño que non fai falla recordar que a obra está promovida por Residencial Marina Atlántica e Complejo Marina Atlántica, participadas nun 50% por Ubaldino Rodríguez Bello e outro 50% por Caixanova.

Gráfico da evolución da débeda do BNG coas Caixas Galegas[1998-2008]:

Imaxe vía Kiko das Leiras en chuza.

Como dí certo refrán: nunca debes morde-la man de quen che dá de comer…

Posted in CANGAS, MASSÓ ]]> http://zutabedecangas.wordpress.com/2009/06/13/clara-millan-masso-caixanova/feed/ 2 O Zutabe 1244951265_quintana clarita Bng Caixanova Caixanova BNG http://zutabedecangas.wordpress.com/2009/06/06/o-video-que-non-querian-que-viras/ http://zutabedecangas.wordpress.com/2009/06/06/o-video-que-non-querian-que-viras/#comments Fri, 05 Jun 2009 23:10:27 +0000 O Zutabe http://zutabedecangas.wordpress.com/?p=1518 ]]>

Primerio colleron ós comunistas, e eu non dixen nada porque eu non era un comunista. Logo leváronse ós xudeus, e eu non dixen nada porque eu non era un xudeu. Logo viron polos obreiros, e eu non dixen nada porque non era nin obreiro nin sindicalista. Logo metéronse cos católicos, e non dixen nada porque eu era protestante. E cando finalmente viron por min non quedaba ninguén para protestar.

Bertolt Brecht

Dende Ferrín ata Leo de Matamá, pasando por Ataque Escampe e unha chea de activistas sociais e cidadáns, dan o seu apoio a Iniciativa Internacionalista, A Solidariedade entre os Pobos e explícannos os motivos:

Neste vídeo recóllense as últimas horas en Massó. Xusto cando onte, 1 de xuño, se cumprían 20 anos da movida cangueira, dous membros do Foro Social e un activista de Galiza non se vende eran arrestados pola Guardia Civil e postos a disposición xudicial. Os detidos saíron hoxe absoltos do xulgado de Cangas ante o apoio dun nutrido grupo de veciños e mariñeiros que portaban pancartas contra Caixanova. A rexidora decidíu fuxir do concello ó enterarse de que membros do Foro Social e máis da Confraría de mariñeiros San Xosé se dirixían ó consistorio para pedirlle explicacións. A solución era ben fácil, segundo un alto cargo da porpia Garda Civíl que anda estes días por Massó, todo pasa porque Clara Millán se digne a dar unha chamadiña a Delfín Fernández (subdelegado do goberno) para que retire ós efectivos de Massó ou asina-la paralización das obras. Onde se viu que a Garda Civíl funcione como garda de seguridade privada? Onde se viu que tal colectivo protexa a ilegalidade? pois en Cangas do Morrazo, onde se non?.

Quen manda na garda civil?

Posted in CANGAS, GARDA CIVIL, MASSÓ ]]> http://zutabedecangas.wordpress.com/2009/06/02/masso-cronica-de-una-muerte-anunciada/feed/ 1 O Zutabe http://zutabedecangas.wordpress.com/2009/06/01/bochechon/ http://zutabedecangas.wordpress.com/2009/06/01/bochechon/#comments Mon, 01 Jun 2009 19:05:21 +0000 O Zutabe http://zutabedecangas.wordpress.com/?p=1486 ]]>

O 1 de xuño de 1989 as “forzas da orde” disolveron a turba na que se convertera a localidade e irrumpiron na igrexa a berros e con pelotas de goma. A insurrección popular rematou coa “dictadura” de Lois Pena e inaugurou a primeira xestora da democracia, pero tamén nos deu a sona de vila guerreira pola que todos nos coñecen hoxe (video). Vinte anos despois, a xornalista cangueira Lara Graña tira de hemeroteca e elabora un moi bo artigo cheo de imaxes para a lembranza. Velaquí volo deixamos:

Hoxe xoves 28 a partir das 18:00, o Rainbow Warrior (o buque de Greenpeace) chega a Punta Balea xunto con embarcacións de baixura de toda a Ría para sumarse ós veciños na loita contra o porto deportivo de Massó. Logo ás 20h , haberá na Alameda Vella de Cangas unha asemblea veciñal para informar e valorar a situación que se está dando no entorno da que fora a conserveira máis grande de Europa. É moi importante contar coa asistencia maioritaria das persoas para entre todos tomar decisións na loita contra a especulación e a ilegalidade no Salgueirón.

Querése chamar ó pobo de Cangas do Morrazo a mobilizarse e a participar nos actos na defensa dos intereses populares. Non cederemos ante as chantaxes das empresas privadas nin ós intereses económicos de ninguén.

PD: Ó parecer estanlle a poñer trabas ó Rainbow Warrior para que veña a Cangas, só lle dan permiso para Vigo. Aínda así eles virán a Massó e darán unha rolda de prensa.

Actualizado:

A nova en Vieiros (o día seguinte)

Antes de entrarmos en materia, unha aclaración para quen confunda conceptos:

Ilegal:

adx. Que non é conforme á lei. O documento do contrato foi rexeitado por ilegal.

ANT. legal.

CF. ilexítimo, ilícito.

Hoxe xa sabemos quen loita por defende-la legalidade  e quen parece que lle vai algo no tema… A señora alcaldesa do BNG de Cangas do Morrazo e máis o seu socio do PSOE Héctor Otero comunican nun xornal que rexeitan paraliza-las obras de Massó. É interesante segui-la evolución da súa opinión respecto ó tema. O máis curioso é que os convenios de Massó e Aldán ,e o respectivo PXOM e porto deportivo, foron os que lle deron a alcaldía ou, mellor dito, os que fixeron que o pobo botase a Enrique Sotelo (PP). Máis curioso é aínda, o feito de que o BNG de Cangas sexa un dos colectivos adheridos ó Foro Social dende a súa creación en 2004. Entende alguén isto???, estamos ante unha “Clara” utilización política dun problema ben serio, todo por un puñado de votos e logo “donde dige digo, digo Diego”. Non penso que sexa culpa de todo o BNG nin dos seus votantes, pero sí sinalo claramente a esta impresentable.

Esta señora, que antes ía nas manifestacións e utilizaba o problema para facer campaña electoral é a que agora se encarga de darlle luz verde á empresa. Vergoña lle tiña que dar traizonar así ó electorado. Fala de facer cumpli-la legalidade, pois que atenda ó seguinte :

Por que Massó é ilegal?

Porque a Autoridade Portuaria debe ser dona dos terreos tanto no mar como en terra para poder outorgar unha concesión administrativa a calquera empresa.

Este non é o caso de Massó xa que no mar os terreos pertencen á confraría de Cangas que ten a autorización para marisqueo e explotación da zona de forma lexítima. Lembremos que aquí faenan 300 barcos  de Cangas e Meira ó longo do ano e que o ano pasado nesta zona sacouse máis dunha tonelada e media de ameixa rubia ó día, sen contar co ourizo, a nécora, a centola, o camarón ou a alga, e que se está a facer un estudo para traballa-la navalla nesa zona. Trátase  tamén dunha importante zona de cría. Por esta razón a confraría mantén un contencioso que aínda non foi resolto dende fai xa catro anos.  Segundo a lei só se lles podería expropiar a sua autorización no caso de que a obra teña un demostrado interese público (que nin se demostrou nin se iniciaron os trámites de expropiación). É de interese público un porto deportivo?????

En terra tampouco son propietarios dos terreos da antiga conserveira xa que están nun terreo público inscrito no rexistro da propiedade como se fose unha finca privada. Para máis inri, ningún dos usos que se lle quere dar é valido pois a zona da que se fala é chan industrial. Só hai concesión para fábrica de conservas e ata onde eu sei, un centro comercial non elabora mexillóns en escabeche, ou si?

Hai moito máis pero o que se reseña paréceme fundamental. Podedes consultar todo ó respecto neste artigo do Foro Social de Cangas.

Ademais, por se non lles chegase todo o anterior non se “cortan” e axéncianse máis terreo público nos trazados, velaquí o que vos digo:

RESPOSTA DE COSTAS

Atendede a iso de “supuesta propiedad”, ou é teu ou non o é. Como dirían os famosos Epi e Blas, “arriba-abaixo, público-privado”, non é tan difícil non? Amais por suposto do impacto ambiental nunha zona de alto valor ecolóxico e de que Massó estea incluida no Plan de Patrimonio Industrial do Ministerio de Cultura español, que é algo que non sabe tanta xente.