Alcohoool…, alcohoool…, alcohoool…!!! (bis)

No tocante ó asunto da lei anti-botellón, sección local, imposta pola alcaldesa, é obvio que é unha estupdez supina. Esta ostia está feita unha prepotente, polo que sabemos tamén, doutras historias. Cando meteu esta lei fixo oídos xordos ás chamadas ó raciocinio por parte doutros concelleiros da esquerda como Manito (M. Abalo). Temos que dicir que considerámo-la medida inapropiada e anti-popular, sobre todo, por como repercute a unha economía familiar como a que sustenta o único 24 horas que hai na vila. Amais, porque nos consta que neste punto de venda se seguen escrupulosamente as normas de pedi-la identificación ós mozos sospeitosos de seren menores de idade. Conste que non nos referimos á de Puri que, mal que ben, pode subsistir sobradamente grazas ó bar e á tenda.

A medida semella non ter moito sentido como actuación fronte ó alcoholismo xuvenil se temos en conta que os menores ou calquera mozo poden realiza-las súas compras perfectamente en calquera supermercado pola tarde, por exemplo, e aforrando máis inclusive. E que pasa cos locais? O alcohol é menos dañino nas discotecas? Agora resulta que o gharrafón é máis saudable cós potitos Nutribén?Todos sabémo-la resposta e quen sae beneficiado de todo isto. Por iso non extraña que a medida fose ben acollida pola Asociación de Empresarios de Salas de Festas da Provincia de Pontevedra.

Agora ben, non é moi correcto como aparecen estes lugares de botellón ás mañás por culpa de moitos malotes españoleiros estilo LPVs, como adoitan dicir polos foros de internet locais. Tampouco é lexítimo que esa parte da mocidade, que poderiamos calificar de puto lastre, deteriore o inmobiliario público porque si, por causa dunha bebedela, dunha rula ou dunha raia mal metida. Polo carallo se lles dá por deteriorar un caixeiro ou unha sucursal de Caixanova que atenta contra uns intereses vitais para a xuventude.
Neste sentido, a mocidade debería ter sensibilidade tamén, por poñer un exemplo, con temas que lle atinxen, como o futuro desta vila se Caixanova e compañía dan feito o proxecto de Foster en Massó, que a bo seguro repercutiría negativamente no futuro dos mozos cangueiros. Iso si que require movilización.
Por certo, recordarlle ós mozos que o día 20 hai unha convocatoria diante do Concello polo asasinato do mozo anti-fascista asasiando en España por uns neonazis.

MENOS BOTELLÓN
MÁIS REVOLUCIÓN

Claréate…, por Dios!!!

Sta. Clarita Millán

Xa sabemos que pasou case un mes pero a tregua obligounos a pospor o tema, e podemos asegurar que foi un “Vía Crucis” de carallo!!! Pensaba ela que se ía salvar…, tranquila Clara que “Dios aprieta pero no ahoga”…

Logo da incertidume deitada na prensa local, a nosa insigne alcaldesa, desfilou finalmente na procesión do “Santísimo Cristo del Consuelo”.

E é que outra cousa non se podía agardar para non ser obxecto de crítica dos sectores máis beatificos da nosa vila. Aquí o que mola é quedar a ben con tódalas partes.

Que a Massó van catro borrachos a para-las obras…, recordemos que o BNG é un dos colectivos que supostamente apoian ó Foro Social, pois non imos. Que ás procesións vai a vila en masa tal rabaño de ñus cruzando a Sabana africana… pois haberá que estar. E ó pasado esquerdista e laico do partido que lle den polo saco que o único que interesa é gobernar a calquera prezo e do resto xa virá a FPG coas hordas marianistas ou os de ACE a resolve-los conflictos. Total ós reditos electorais, en boa medida, pra quen van? Entón, que traballe Manito…

Iso si, “fifty-fifty”, nin pra ti nin pra min, que á misa Clarita non foi, que digna!!!. Agora, á procesisión onde tódolos veciños permanecían expectantes sería unha tolería e unha hipotética perda de sufraxios non acudir. E amais sen escrúpulo ningún, rodeada das autoridades eclesiásticas máis rancias e dos representantes policiais, caducos, do benemérito corpo que sempre fustigaron á GALIZA que tanto din os bloqueiros que queren.

Ai!, e que ben erguía a queixada Héctor Otero (PSOE), fachendoso, ollando de esguello á multitude… paresía que levaba un pau metido no cú, dende logo que miralo así si que é unha “experiencia religiosa”…

Pero alguén chegou a pensar que habería Clara Millán de pasar polo bochorno, e ser obxecto de crítica como lle acontecera a Euloxio López na época do cuatripartito? E que conste que este, faltara á cita co Cristo do Consuelo por mor dun grave incendio nos nosos montes. Ía a alcaldesa pasar por iso? Pois non, e os principios (de os haber)? Iso son conachadas de catro revolusionarios, folloneros, vaghos e maleantes. Está claro.

E non nos enganemos. O de Clarita non é para nada esporádico. O que fixo non foi outra cousa que recolle-lo testigo de Lois Castrillo en Vigo que gozaba como un anano, cirio en man, na procesión do Cristo da Victoria, de escuro pasado franquista (aí é nada).

Se Clara Millán fose católica o que suporía unha evidentísima enpanada mental, de cotexármolo coa súa suposta ideoloxía, debería ir na procesión gardando a fila e con mantilla se quere, pero a título individual, e non coma representante dos cangueiros… porque entonces ha de ser que aínda non comprendín ben o da aconfesionalidade do Estado Español. O que quero dicir é que dende o día 27 de maio esta muller debe representarnos a todos, musulmáns, ateos, agnósticos, e mesmo cienciólogos se se pon, e non só os católicos por moi maioría que sexan. Amais, isto último habería de comprendelo ela mellor ca ninguen, pois non sei se lembra que non está a gobernar coa maioría, e moito menos cos votos dos “escoltas” que iban flanqueando ó do Consuelo.

E é que Deus é grande e chega a todas partes. Tan grande é que muda as vontades políticas como quen muda de calsonsillo… Eles mirarán. Alea iacta est!

E agora a pregunta é: aceptará a nosa heroína acudir ó xantar coa picoletada o “Día da Hispanidade”???

Arriba con ella!!!

“Quien es ese hombreeeeeee…???”

Como sempre nesta vila a polémica está servida. Neste caso, tocoulle á decisión de Mariano Abalo verbo de querer contratar a Eduardo Canabal para rexenta-lo posto de asesor de urbanismo, neste Concello que nos toca sufrir. Polémica incomprensible, por outro lado, de atendermos ó pasado deste proxectista ó que non se lle coñece vencello algún co portavoz nacional da FPG e concelleiro de ACE. E ó que só se lle pode acusar de botar abaixo o Plan Xeral de Vigo aló por 1993 ó atopar irregularidades graves naquel proxecto.

Chegou a sufrir, como el mesmo ten indicado, unha auténtica “caza de bruxas” e mesmo con ameazas en canto denunciou as aberracións que se querían levar adiante nunha das cidades máis importantes de Galicia.

Sabendo da profesionalidade de Canabal, Abalo, trasladoulle a súa preocupación polo urbanismo en Cangas e fíxolle constar que cómpre facelo totalmente legal e transparente cumprindo estrictamente co ordenamento xurídico para rematar coa desfeita na que estamos sumidos, non sera isto o que lles molesta ós detractores de Canabal?. Abalo, dende un primeiro momento, quería contar coa labor do asesor en cuestión para fiscalizar unha serie de temas pendentes e sen perxudicar ós técnicos municipais. Tamén, entendeu, que é mester asesorar ós veciños que teñan problemas con actuacións urbanísticas e coas licenzas.

Mais as presións políticas chegaron, desta volta, tamén a Cangas co asunto “Canabal” que non fan outra cousa que poñer ó descuberto escuras intencións no seo das agrupacións socias de ACE no tripartito, que xuntos, pero non revoltos… Pronunciouse ben clariño a directiva provincial do PSOE na prensa tildando de que perigaba o acordo de goberno do tripartito de seguir adiante a contratación de Canabal. (xa dá máis polo cu cá fichaxe do Schuster).

Preguntámonos que é o que leva ás directivas do PSOE e BNG a veta-la contratación deste urbanista aférrimo da legalidade. É, nestes casos, cando non queda outra que cuestiona-la actitude de “sociatas” e “bloqueiros”, cando menos, perante ó tema do urbanismo. Lembrémo-las primeiras declaracións destes dous socios do tripartito tralos comicios municipais do 27 de maio onde, abertamente e diante dos medios de comunicación, rehusaban posicionarse en contra do proxecto deseñado por Norman Foster para a área de Massó incluíndo o porto deportivo, e dicindo que non rexeitaban ubicalo noutro lugar. Recordémo-la nula participación destas dúas formacións na loita contra a construción do porto deportivo de Massó. Tampouco debemos esquecer, fagamos historia, os votos en pleno (con ostias incluídas) dos tres concelleiros do PSOE dando o seu visto e prace ó Plan Xeral que quería Sotelo o 30 de xullo de 2004, e que logo o pobo botou abaixo enchendo as rúas de Cangas nas famosas manifestacións contra o vello PXOM. Tamén cómpre preguntarse polas xestións, se é que levou adiante algunha, do BNG (que ben que figuraban como integrantes do Foro Social, pero por Massó non foron nin a pasear, coma moitas outras agrupacións, todo sexa dito…) sobre todo, se temos en conta que é forza de goberno na Xunta. A día de hoxe podemos ver, ás claras, que non fixo vale-lo seu peso no poder autonómico.

Estas formacións, cando menos, e para non quedar en evidencia poderían presentar probas que corroborasen a súa desconfianza cara Eduardo Canabal. Pero temémonos que esas non chegarán…, e xa veremos a qué friki propoñen eles…